الألبوم

السبت، يونيو ١٨، ٢٠٠٥

    العائله المالكه

--------------------------------------------------------

نُشِرَت في: ٦:١٦ م

انطباعات: 7

-------

: في ٧:١٩ م Blogger ibn_abdel_aziz (كتب(ت

صورة معبرة جدا يا جار

لعلمك شكلهم شيك قوي واخر هندمة
:)

انت عارف انا بفكر في ايه ؟
مهاجمة مبارك شخصيا والعيلة المالكة مش بيجيب اي نفع الان

الناس مش فارقة معاها مبارك يقعد او يمشي
الناس عاوزة تعيش بني ادمين
يمكن اسلوب المعارضة لازم يتغير
كفاية شتيمة في مبارك
شخصيا
لان كل المعارضة لما بتتسال مين البديل
محدش بيعرف يرد
يمكن جبهة سلام وضعت بديل واقعي علي الطاولة نابع من شعبية عمرو موسي وحب الشعب ليه
وحتي هذا لم يلق استجابة

واللا ايه رايك ؟

 

: في ١١:٠٠ م Blogger أحمد (كتب(ت

من اكتر الصور اللى بحبها
تقريبا كان مبارز هو اللى التقط الصورة دى ، دايما في حاجة مثيرة في الصورة ، لو ركزت شوية في عين مبارك هتلاقي ، انه تقريبا نايم

 

: في ٤:٠٣ م Blogger 4thH (كتب(ت

أتا ليا رأي مخالف يا بن عبد العزيز..

بصراحع انا شايف نقد اعلى سلطه في الدوله... حاجه مبشره جدا جدا و مهمه جدا جدا..

لان كسر حاجز الخوف.. و فكره الوهيه الحاكم... هي اول خطوه في مراقبة السلطه.. و ده اساس الديمقراطيه..


الناس مش حاتعيش كويس طول ما اي انسان بيحكمها فاكر انهم عبيد عنده..

صدقني احنا لو جبنا عمر بن عبد العزيز نفسه يحكم في ظروفنا دي .. احتمال كبير يفسد..

النظم و القوانين و ثقافة تاليه الحاكم و الخوف حاتخلي اي انسان يفتكر البلد عزبته الخاصه..
و ممكن يكون مبارك احسن فاسد .. الله اعلم..


القوانين تتغير.. و النظام يتعير.. كن تقافة الخوف و التأليه.. بتتغير بمهاجمه اي فاسد... و عدم استئناء اي كان

عامة ده موضوع مدونه جديده بحضرلها..

خليك معايا

 

: في ٤:١٦ م Blogger ibn_abdel_aziz (كتب(ت

يا جار رايي كان مثل رايك منذ حوالي سنة

لكن شتم مبارك او حتي ر لمبارك بدون بديل
مش جايب نتيجة

انا ادعو لاعادة النظر في الشعارات وطريقة الخطاب
سيبك من الدستور ومواضيعها
جريدة الشعب ياما شتمت في مبارك شخصيا وانتقدته علي مر سنين

بس البديل فين ؟
مين هو الشخص اللي يحل محل مبارك لو مبارك وحش ؟
اسال اي انسان في الشارع حيسالك نفس السؤال
ان لم نتعلم ان نستمع الي الناس اصلا
فلا جدوي من اي تغيير

اول ركن من اركان التغيير هو معرفة تركيبة الناس ودوافعهم
والرضا حتي بخطوة يتقدمونها مع المغيريين
ربما قفزة لن تصلح
لست اقلل من شان نقد الرئيس او كسر حاجز الرعب هذا

بس ما هي اللغة التي يجب ان تستخدمها؟
السؤال لا زال مطروح
وبدات اضع عليه اجابات اجتهادية علي مدونتي من باب محاولة التعرف علي اللغة
يا تري هل تقييم الذات ونقدها حيكون هو عائق التغيير لدي المغيريين ؟

 

: في ١٠:١٥ م Blogger بنت مصرية (كتب(ت

ممكن أقول ملحوظة... مبارك طلع قصير اوى بالنسبة لأولاده

 

: في ٦:٣٩ م Blogger 4thH (كتب(ت

فعلا..
مبارك و ماما سوزان اقصر من الاولاد..

غريبه جدا

 

: في ١١:٢٧ ص Blogger Ahmed Shokeir (كتب(ت

محدش لاحظ الخلفيه .. دى خريطه القطر المصرى نفس الخلفيه اللى مبارك بيستقبل فيها ضيوفه بالقصر الجمهورى يعنى البيت جاله الشغل ولا كان لازم الخلفيه تكون كده عشان الصورة تكون ملكيه ..!!؟

 

-------

« سجل رأيك |

« Home |